1 лістапада, Сімферопаль /БЕЛТА - ТАСС/. Другая за суткі аварыя на газаправодзе адбылася ў Крыме, паведамілі сёння ў галоўным упраўленні МНС па рэгіёне.
"Па другой аварыі на газаправодзе факт пацвярджаем", - сказаў прадстаўнік упраўлення, адмовіўшыся ад іншых каментарыяў.
У экстранных службах паведамілі, што ў выніку інцыдэнту без газу застаюцца амаль 8 тыс. чалавек. Вядуцца аднаўленчыя работы.
"Аварыя, як мяркуецца, з-за пашкоджання трубы адбылася недалёка ад сяла Запруднае. Цяпер без газу застаюцца 7971 чалавек", - паведаміла крыніца.
"У нас тры аварыйныя сітуацыі: апора з лініяй 110 кВт - усё гэта ў раёне Вінаграднага, Маяка, Алушты - і прарыў двух газаправодаў адводаў дыяметрам 273 мм у раёне ГРС "Вінаграднае" і "Запруднае", - сказаў міністр паліва і энергетыкі рэспублікі Вадзім Белік.
Раней паведамлялася, што амаль 1,2 тыс. жыхароў некалькіх сёл рэгіёна - Вінаграднае, Кіпарыснае, Малы Маяк, Пушкіна і Уцёс - засталіся без газу з-за аварыі на газаправодзе ў раёне Алушты. Паводле даных МНС, аварыя адбылася прыкладна ў 20.30 па мінскім часе 31 кастрычніка.
Другая аварыя здарылася на другім газаправодзе, удакладнілі ў МНС.
Нацыянальны антытэрарыстычны камітэт раней паведамляў аб прапрацоўцы версіі падрыву газаправода. Пра магчымасць падрыву таксама расказаў дырэктар кампаніі "Крымгазсеткі" Сяргей Тарасаў.-0-
