19 ліпеня, Мінск /Кар. БЕЛТА/. Канцлер Германіі Ангела Меркель прыняла ў сваёй рэзідэнцыі прынца Уільяма і яго жонку Кейт Мідлтан. Сямейная пара прыбыла ў Германію з трохдзённым візітам, паведамляе ТАСС.
Пасля завяршэння прыёму прынц і герцагіня прайшлі да Брандэнбургскіх варот. Тут бургамістр Берліна Міхаэль Мюлер уручыў Кейт Мідлтан белыя кветкі.
Сёння прынц Уільям і Кейт Мідлтан у палацы Бельвю прыме Прэзідэнт Германіі Франк-Вальтэр Штайнмаер. На вечар серады запланавана выступленне прынца Уільяма з прамовай у гонар каралевы Лізаветы II.
Плануецца, што ў час візіту пара наведае Мемарыял ахвярам Халакосту, а таксама сустрэнецца з прадстаўнікамі дабрачынных арганізацый. Акрамя таго, у праграме - наведванне Хайдэльберга і Гамбурга.
Візіт называюць сігналам зацікаўленасці Вялікабрытаніі ў захаванні добрых адносін з краінамі Еўрапейскага саюза пасля Brexit.-0-
