2 лістапада, Нью-Дэлі /БЕЛТА - ТАСС - Сіньхуа/. У Індыі прадаўжае расці колькасць загінулых у выніку выбуху, што адбыўся напярэдадні на электрастанцыі "Рай-Барэлі" на поўначы краіны. Згодна з апошнімі данымі міністра ўнутраных спраў штата Утар-Прадэш Арвіна Кумара, колькасць загінулых павялічылася да 26 чалавек.
Паводле яго слоў, колькасць пацярпелых, большасць з якіх атрымалі апёкі, перавышае сто чалавек. Кіраўнік ведамства не выключыў, што колькасць памерлых можа павялічыцца, паколькі некаторыя людзі знаходзяцца ў крытычным стане.
Паводле папярэдняй інфармацыі, прычынай аварыі стаў узрыў трубы аднаго з катлоў у новым энергаблоку, які працаваў у тэставым рэжыме. Цяпер работа электрастанцыі спынена.-0-
