13 лістапада, Мінск /Кар. БЕЛТА/. Колькасць загінулых пры землетрасенні на мяжы Ірана і Ірака дасягнула 328 чалавек, паведамляюць інфармагенцтвы.
Раней паведамлялася, што загінулі больш як 200 чалавек, яшчэ 2,5 тыс. пацярпелі.
Мноства людзей могуць па-ранейшаму знаходзіцца пад заваламі. У раёне бедства праводзіцца пошукава-выратавальная аперацыя, садзейнічанне аказвае мясцовае аддзяленне Чырвонага Паўмесяца. Дапамогу Іраку і Ірану ў ліквідацыі наступстваў землетрасення прапанавалі ААН і Еўрапейскі саюз.
Землетрасенне магнітудай 7,2 адбылося ўвечары 12 лістапада. Найбольшыя ахвяры і разбурэнні зафіксаваны ў іранскіх правінцыях Керманшах і Ілам. У Іраку значны ўрон нанесены гарадам Дарбандыхан, Гарміян і Сулейманія.-0-
