9 лістапада, Мінск /Кар. БЕЛТА/. Кітай і ЗША ў час візіту Трампа падпісалі пагадненні на агульную суму $253,4 млрд, паведамляюць інфармагенцтвы. Аб гэтым заявіў міністр камерцыі КНР Чжун Шань.
Сёння прадстаўнікі буйнога бізнесу ў прысутнасці старшыні КНР Сі Цзіньпіна і прэзідэнта ЗША Дональда Трампа падпісалі 15 пагадненняў на агульную суму $245,2 млрд. Таксама напярэдадні стала вядома, што ў час візіту Трампа амерыканскія і кітайскія кампаніі падпісалі ўжо шэраг здзелак агульным коштам каля $9 млрд.
Раней некаторыя СМІ са спасылкай на ўрадавую крыніцу ў Пекіне паведамлялі, што КНР і ЗША маюць намер падпісаць шэраг важных пагадненняў аб двухбаковым супрацоўніцтве на суму $280 млрд. Выданні адзначалі, што ў ходзе візіту Трампа могуць быць дасягнуты дамоўленасці аб стварэнні кітайска-амерыканскага фонду для рэалізацыі ініцыятывы "Адзін пояс - адзін шлях".
Дональд Трамп знаходзіцца ў Пекіне з афіцыйным візітам, які прадоўжыцца да 10 лістапада. Асноўныя тэмы перагавораў у кітайскай сталіцы - праблема Карэйскага паўвострава і двухбаковы гандаль.-0-
