23 лютага, Мінск /Кар. БЕЛТА/. У Арганізацыі Аб'яднаных Нацый прапануецца стварыць упраўленне па барацьбе з тэрарызмам. Такую ініцыятыву вылучыў генеральны сакратар арганізацыі Антоніу Гутэрыш, паведамляюць інфармагенцтвы.
Новая структура ў ААН павінна будзе забяспечыць выбудоўванне партнёрскіх адносін паміж краінамі для сумеснага процістаяння тэрарызму, які з'яўляецца сёння міжнацыянальнай пагрозай. Яе стварэнне дасць магчымасць павысіць эфектыўнасць праводзімай работы.
Ужо створаныя структуры Савета Бяспекі ААН прапануецца захаваць, паколькі дзейнасць Контртэрарыстычнага ўпраўлення не будзе перасякацца непасрэдна з іх работай.
Прадугледжваецца, што ўпраўленне па барацьбе з тэрарызмам узначаліць новы намеснік генеральнага сакратара арганізацыі.-0-
