Мабільная версія
ДЗЯРЖОРГАНЫ
Апошнія навіны
Усе навіны

Футбольная зборная Беларусі завяршае год на 92-м месцы рэйтынгу ФІФА

Спорт 21.12.2017 | 15:12
Фота з архіва
Фота з архіва

21 снежня, Мінск /Кар. БЕЛТА/. Футбольная зборная ФІФА займае 92-е месца ў снежаньскім рэйтынгу Міжнароднай федэрацыі футбола (ФІФА), паведамляе карэспандэнт БЕЛТА.

За мінулы месяц каманда Ігара Крывушэнкі матчаў не праводзіла і засталася на былой пазіцыі, маючы ў сваім актыве 372 ачкі. Усяго ў 2017 годзе зборная Беларусі правяла 11 матчаў (6 у адборачным турніры ЧС-2018 і 5 таварыскіх). У актыве беларусаў усяго дзве перамогі: над зборнымі Балгарыі - 2:1 (дома; ЧС) і Новай Зеландыі - 1:0 (дома; ТМ). Адна гульня завяршылася ўнічыю - з Грузіяй - 2:2 (у гасцях; ТМ). У пасіве 8 паражэнняў: ад Швецыі - двойчы па 0:4 (дома і ў гасцях; ЧС), Люксембурга - 0:1 (у гасцях; ЧС), Нідэрландаў - 1:3 (дома; ЧС), Францыі - 1:2 (у гасцях; ЧС), Македоніі - 0:3 (у гасцях; ТМ), Швейцарыі - 0:1 (у гасцях; ТМ), Арменіі - 1:4 (у гасцях; ТМ). Розніца мячоў - 8-19. Два галы ў гэтым годзе забіў дэбютант нацыянальнай дружыны Антон Сарока, па разе вызначыліся Міхаіл Сівакоў, Павел Савіцкі, Максім Валадзько, Дзяніс Палякоў, Ігар Стасевіч і Павел Няхайчык.

За ўсе гады лепшым месцам у рэйтынгу ФІФА для беларусаў было 60-е, на якое яны ўзняліся ў лістападзе 2007 года, калі каманду трэніраваў нямецкі спецыяліст Бернд Штанге. Горшая пазіцыя - 137-я ў снежні 1993 года.

Топ-10 апошняга рэйтынгу ФІФА 2017 года:

1. Германія - 1602 ачкі,

2. Бразілія - 1483,

3. Партугалія - 1358,

4. Аргенціна - 1348,

5. Бельгія - 1325,

6. Іспанія - 1231,

7. Польшча - 1209,

8. Швейцарыя - 1190,

9. Францыя - 1183,

10. Чылі - 1162.

З краін былога СССР найбольш высокі рэйтынг у зборнай Украіны - 35-е месца (781). Расія размясцілася на 64-й пазіцыі (534). Астатнія постсавецкія зборныя займаюць наступныя пазіцыі: 78 - Узбекістан, 89 - Эстонія, 90 - Арменія, 104 - Грузія, 114 - Туркменістан, 115 - Кыргызстан, 117 - Азербайджан, 126 - Таджыкістан, 132 - Латвія, 137 - Казахстан, 149 - Літва, 167 - Малдова.

Наступны рэйтынг ФІФА апублікуецца ў канцы студзеня 2018 года.-0-

Версія для друку
Навіны рубрыкі Спорт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Экспарт прадукцыі АПК Экспарт беларускай сельгаспрадукцыі ў студзені-маі вырас на 6,5% і дасягнуў $2,071 млрд.