27 лютага, Мінск /Кар. БЕЛТА/. Зняць машыну з уліку можна будзе ў любым рэгістрацыйным падраздзяленні ДАІ. Аб гэтым 26 лютага на сустрэчы з прадстаўнікамі аўтабізнесу паведамілі супрацоўнікі УДАІ МУС, перадае карэспандэнт БЕЛТА.
Такая магчымасць прадугледжана змяненнямі ў пастанову Савета Міністраў, абноўлены праект якой быў падрыхтаваны ДАІ. "Каб зрабіць больш зручнай гэту працэдуру для грамадзян і юрасоб, мы прадугледжваем магчымасць зняцця з уліку транспартнага сродку ў любым рэгістрацыйным падраздзяленні незалежна ад месца рэгістрацыі ўласніка. Што датычыцца магчымасці рэгістрацыі - цяпер мы яе не разглядаем, але ў перспектыве не выключаем. Рэалізаваць жа гэта можна будзе пасля таго, як будуць удасканалены заканадаўства і непасрэдна нашы інфармацыйныя рэсурсы", - адзначыў старшы інспектар па асаблівых даручэннях УДАІ МУС Алег Ліванскі.-0-