26 красавіка, Слаўгарад /Кар. БЕЛТА/. Краіна атрымала ўрокі з чарнобыльскай катастрофы. Аб гэтым журналістам заявіў старшыня Пастаяннай камісіі па ахове здароўя, фізічнай культуры, сямейнай і маладзёжнай палітыцы Палаты прадстаўнікоў Валерый Малашка ў Слаўгарадскім раёне ў час памятнага мітынгу ў сувязі з 38-й гадавінай з дня аварыі на ЧАЭС, перадае карэспандэнт БЕЛТА.
"Для рэабілітацыі заражаных зямель існуе шэраг дзяржаўных праграм, і мы бачым эфектыўнасць гэтай работы, - адзначыў Валерый Малашка. - У Слаўгарадскім раёне дзеці рэгулярна праходзяць агляды, атрымліваюць дадатковае аздараўленне, харчаванне ў школе - і не толькі. Вельмі важна, што наша краіна атрымала ўрокі з чарнобыльскай катастрофы. І цяпер, з улікам эканамічнай неабходнасці развіцця атамнай энергетыкі, АЭС у Астраўцы адпавядае ўсім патрабаванням бяспекі. Мы атрымалі сур'ёзны тэхналагічны прарыў, на шляху да якога выкарыстоўвалі назапашаныя веды і вопыт, а таксама новыя інжынерныя рашэнні ў атамнай энергетыцы".
Паводле слоў Валерыя Малашкі, дзеючая ў краіне структура ўстаноў аховы здароўя дазваляе аказваць кваліфікаваную дапамогу насельніцтву, якое пражывае на пацярпелых тэрыторыях. "Захавалася, напрыклад, санітарна-эпідэміялагічная служба, якая заўсёды адказвала за паказчыкі здароўя і здароўезберагальнае асяроддзе, - прадоўжыў ён. - Шмат робіцца для прыцягнення медыцынскіх работнікаў і медыцынскага персаналу. Гэта і мэтавыя напрамкі. Сёння шмат выпускнікоў медыцынскіх універсітэтаў вяртаюцца на малую радзіму і тут працуюць, прычым узровень іх замацавальнасці пасля вяртання ў родны край значна вышэйшы. Ім давяраюць пацыенты, і яны працуюць з большай адказнасцю".
У якасці прыкладу Валерый Малашка прывёў Слаўгарадскую цэнтральную раённую бальніцу, якая ў апошнія гады зведала істотную рэканструкцыю і атрымала лінейку новага медыцынскага абсталявання. "На мой погляд, сёння гэта нават нейкі мадэльны цэнтр сістэмы малой аховы здароўя, - лічыць ён. - У мінулым годзе мы сур'ёзна папрацавалі, і цэлая хваля абнаўленняў прайшла па сетцы ўстаноў у вёсцы. Сёння яны дазваляюць медыцыне быць даступнай для ўсіх грамадзян і адпавядаць патрэбнасцям нашых людзей. Так, будуецца рэабілітацыйны корпус Магілёўскай абласной дзіцячай бальніцы. На мой погляд, вельмі важна развіваць такія тэхналогіі на абласным узроўні - там, дзе мы можам канцэнтраваць медыцынскія кадры і абсталяванне".-0-
"Для рэабілітацыі заражаных зямель існуе шэраг дзяржаўных праграм, і мы бачым эфектыўнасць гэтай работы, - адзначыў Валерый Малашка. - У Слаўгарадскім раёне дзеці рэгулярна праходзяць агляды, атрымліваюць дадатковае аздараўленне, харчаванне ў школе - і не толькі. Вельмі важна, што наша краіна атрымала ўрокі з чарнобыльскай катастрофы. І цяпер, з улікам эканамічнай неабходнасці развіцця атамнай энергетыкі, АЭС у Астраўцы адпавядае ўсім патрабаванням бяспекі. Мы атрымалі сур'ёзны тэхналагічны прарыў, на шляху да якога выкарыстоўвалі назапашаныя веды і вопыт, а таксама новыя інжынерныя рашэнні ў атамнай энергетыцы".
Паводле слоў Валерыя Малашкі, дзеючая ў краіне структура ўстаноў аховы здароўя дазваляе аказваць кваліфікаваную дапамогу насельніцтву, якое пражывае на пацярпелых тэрыторыях. "Захавалася, напрыклад, санітарна-эпідэміялагічная служба, якая заўсёды адказвала за паказчыкі здароўя і здароўезберагальнае асяроддзе, - прадоўжыў ён. - Шмат робіцца для прыцягнення медыцынскіх работнікаў і медыцынскага персаналу. Гэта і мэтавыя напрамкі. Сёння шмат выпускнікоў медыцынскіх універсітэтаў вяртаюцца на малую радзіму і тут працуюць, прычым узровень іх замацавальнасці пасля вяртання ў родны край значна вышэйшы. Ім давяраюць пацыенты, і яны працуюць з большай адказнасцю".
У якасці прыкладу Валерый Малашка прывёў Слаўгарадскую цэнтральную раённую бальніцу, якая ў апошнія гады зведала істотную рэканструкцыю і атрымала лінейку новага медыцынскага абсталявання. "На мой погляд, сёння гэта нават нейкі мадэльны цэнтр сістэмы малой аховы здароўя, - лічыць ён. - У мінулым годзе мы сур'ёзна папрацавалі, і цэлая хваля абнаўленняў прайшла па сетцы ўстаноў у вёсцы. Сёння яны дазваляюць медыцыне быць даступнай для ўсіх грамадзян і адпавядаць патрэбнасцям нашых людзей. Так, будуецца рэабілітацыйны корпус Магілёўскай абласной дзіцячай бальніцы. На мой погляд, вельмі важна развіваць такія тэхналогіі на абласным узроўні - там, дзе мы можам канцэнтраваць медыцынскія кадры і абсталяванне".-0-
