Мабільная версія
ДЗЯРЖОРГАНЫ
Апошнія навіны
Усе навіны

Зарэгістраванае беспрацоўе захаваецца на ўзроўні 0,4 працэнта - Мінпрацы

Грамадства 09.08.2018 | 17:24

9 жніўня, Мінск /Кар. БЕЛТА/. Узровень зарэгістраванага беспрацоўя на 1 жніўня 2018 года склаў 0,4 працэнта, што адпавядае ўзроўню месячнай даўнасці, паведамілі БЕЛТА ў Міністэрстве працы і сацыяльнай абароны.

У параўнанні з 1 жніўня 2017 года гэты паказчык знізіўся на 0,3 працэнтнага пункта.

Узровень зарэгістраванага беспрацоўя ў Брэсцкай і Віцебскай, Гомельскай і Магілёўскай абласцях склаў 0,5 працэнта; у Гродзенскай і Мінскай абласцях - 0,4 працэнта; у Мінску - 0,1 працэнта.

У якасці беспрацоўных зарэгістраваны 16,6 тыс. чалавек, што на 46,9 працэнта менш, чым на 1 жніўня 2017 года.

Наймальнікі прапануюць каля 77 тыс. свабодных рабочых месцаў, пры гэтым попыт па рабочых прафесіях дасягае 64,4 працэнта агульнай колькасці вакансій.

Каэфіцыент напружанасці на рынку працы рэспублікі на 1 жніўня склаў 0,2 беспрацоўнага на адну вакансію (год таму было 0,6). Пры гэтым у Брэсцкай і Віцебскай абласцях гэты паказчык склаў 0,4 беспрацоўнага на вакансію; Гомельскай вобласці - 0,3; Гродзенскай, Мінскай і Магілёўскай абласцях - 0,2; Мінску - 0,1.

У студзені-ліпені за садзейнічаннем у працаўладкаванні звярнуліся 126,7 тыс. чалавек, з якіх пастаўлена на ўлік у якасці беспрацоўных 71,4 тыс. чалавек. Зыходзячы з колькасці тых, хто застаецца сёння на ўліку, эфект ад прымаемых мер па садзейнічанні занятасці вельмі прыкметны. На створаныя рабочыя месцы і наяўныя вакансіі пры садзейнічанні службы занятасці на пастаянную работу працаўладкаваны 95,2 тыс. чалавек, або 75,2 працэнта тых, хто звярнуўся за садзейнічаннем у працаўладкаванні, з іх 52,9 тыс. беспрацоўных.

На навучанне пра прафесіях, запатрабаваных на рынку працы, накіраваны 4,1 тыс. чалавек, у аплатных грамадскіх работах удзельнічалі 23,2 тыс., на новае месца жыхарства і работы пераселены 94 сям'і беспрацоўных.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сяўба азімых збожжавых 2018 У верасні ў гаспадарках рэспублікі пачынаецца сяўба азімых культур. Усяго пад засеў азімымі збожжавымі адведзена 1 309,3 тыс. га.