Аляксей Талай
20 лютага, Мінск /Кар. БЕЛТА/. Важна разумець, як твой выбар уплывае на лёс дзяржавы. Аб гэтым сказаў грамадскі дзеяч, паралімпіец, матывацыйны спікер і заснавальнік дабрачыннага фонду Аляксей Талай у час сустрэчы са студэнтамі БДТУ, перадае карэспандэнт БЕЛТА.
Сёння ў БДТУ напярэдадні адзінага дня галасавання прайшла дыялогавая пляцоўка. Размова ішла пра асабістую адказнасць перад самім сабой і сваёй краінай. "Многія будуць прымаць удзел у выбарах упершыню. Гэта важна - быць актыўнымі, разумець, як выбар дня сённяшняга паўплывае на твой лёс, на лёс дзяржавы, - сказаў Аляксей Талай. - Мы павінны забяспечыць добрую яўку, паказаць усяму свету, што Беларусь актыўная, што мы ў гэты няпросты час мабілізаваны і гатовы разам са сваім лідарам, Прэзідэнтам краіны, працаваць на дзяржаўныя інтарэсы, абараняць свой суверэнітэт і незалежнасць, а таксама прымножыць здабытак нашай Айчыны".
Паводле слоў Аляксея Талая, да моладзі важна данесці разуменне, што нічога не даецца проста так, неабходна праяўляць упартасць, старанна працаваць і толькі тады можна атрымаць дастойны вынік. "Важна крок за крокам ісці наперад, атрымліваючы жыццёвы вопыт, які дазволіць у будучым дабіцца пэўных вяршынь, - адзначыў ён. - У цэлым важна гаварыць адкрыта пра шматлікія рэчы. За апошнія два гады мы правялі больш за 370 сустрэч па розных напрамках, дыялогавыя пляцоўкі ў розных кутках нашай краіны. І я бачу выдатны вынік".
Студэнты расказалі, што ім было вельмі цікава пагутарыць з грамадскім дзеячам. "Было цікава даведацца пра яго жыццё, пра яго пазіцыю. Такія сустрэчы карысна праводзіць сярод студэнтаў. Моладзі цікавы такі фармат", - сказала студэнтка БДТУ Ангеліна Патапчук. Таксама яна расказала, што ў бягучым годзе збіраецца ўпершыню прыняць удзел у галасаванні. "Гэта маё першае галасаванне. Крыху хвалююча. Да нас прыходзяць кандыдаты, праводзяцца розныя мерапрыемствы, на якіх нам расказваюць пра выбары, наколькі гэта важна для нашай краіны і для нас саміх", - падкрэсліла дзяўчына.-0-
Сёння ў БДТУ напярэдадні адзінага дня галасавання прайшла дыялогавая пляцоўка. Размова ішла пра асабістую адказнасць перад самім сабой і сваёй краінай. "Многія будуць прымаць удзел у выбарах упершыню. Гэта важна - быць актыўнымі, разумець, як выбар дня сённяшняга паўплывае на твой лёс, на лёс дзяржавы, - сказаў Аляксей Талай. - Мы павінны забяспечыць добрую яўку, паказаць усяму свету, што Беларусь актыўная, што мы ў гэты няпросты час мабілізаваны і гатовы разам са сваім лідарам, Прэзідэнтам краіны, працаваць на дзяржаўныя інтарэсы, абараняць свой суверэнітэт і незалежнасць, а таксама прымножыць здабытак нашай Айчыны".
Паводле слоў Аляксея Талая, да моладзі важна данесці разуменне, што нічога не даецца проста так, неабходна праяўляць упартасць, старанна працаваць і толькі тады можна атрымаць дастойны вынік. "Важна крок за крокам ісці наперад, атрымліваючы жыццёвы вопыт, які дазволіць у будучым дабіцца пэўных вяршынь, - адзначыў ён. - У цэлым важна гаварыць адкрыта пра шматлікія рэчы. За апошнія два гады мы правялі больш за 370 сустрэч па розных напрамках, дыялогавыя пляцоўкі ў розных кутках нашай краіны. І я бачу выдатны вынік".
Студэнты расказалі, што ім было вельмі цікава пагутарыць з грамадскім дзеячам. "Было цікава даведацца пра яго жыццё, пра яго пазіцыю. Такія сустрэчы карысна праводзіць сярод студэнтаў. Моладзі цікавы такі фармат", - сказала студэнтка БДТУ Ангеліна Патапчук. Таксама яна расказала, што ў бягучым годзе збіраецца ўпершыню прыняць удзел у галасаванні. "Гэта маё першае галасаванне. Крыху хвалююча. Да нас прыходзяць кандыдаты, праводзяцца розныя мерапрыемствы, на якіх нам расказваюць пра выбары, наколькі гэта важна для нашай краіны і для нас саміх", - падкрэсліла дзяўчына.-0-
