Сцяг Аўторак, 23 ліпеня 2024
Усе навіны
Усе навіны
Прэзідэнт
31 мая 2024, 15:58

Лукашэнка пратэсціраваў новую айчынную сякеру

Скрыншот відэа Telegram-канала "Пул Першага"
Скрыншот відэа Telegram-канала "Пул Першага"
31 мая, Мінск /Кар. БЕЛТА/. Прэзідэнт Беларусі Аляксандр Лукашэнка пратэсціраваў новую айчынную сякеру. Відэаролік аб гэтым апублікаваны ў Telegram-канале "Пул Першага", паведамляе БЕЛТА.

"Добрая сякера, але ёсць над чым працаваць", - зрабіў заключэнне кіраўнік дзяржавы.

Як вядома, Прэзідэнт любіць і ўмее сячы дровы. І асабліва апошнім часам не ўтойваў расчаравання ў тым, што для гэтай справы, аказваецца, няма дастойнага айчыннага інвентару. Таму Аляксандр Лукашэнка, узяўшы адміністрацыйную "сякеру", секануў з-за пляча і запатрабаваў ад прамыслоўцаў выдаць на-гара галоўную прыладу працы лесарубаў.

У час рабочай паездкі ў Оршу 29 мая першыя ўзоры сучасных айчынных сякер кіраўніку дзяржавы прадставіў віцэ-прэм'ер Пётр Пархомчык, які курыруе прамысловасць. Аказалася, літаральна напярэдадні "тэст-драйв" новых сякер правёў прэм'ер-міністр Раман Галоўчанка, але Аляксандр Лукашэнка не стаў верыць на слова і паабяцаў апрабаваць вырабы самастойна.

Адначасова ён паставіў жорсткую задачу - ужо на працягу гэтага года асвоіць вытворчасць такіх тавараў, неабходных для работы з драўнінай. "Гэта ганьба, што мы больш за палову (ад тэрыторыі краіны. - Заўвага БЕЛТА) маем лесу і ўсё завозім. Яшчэ адно яму даручэнне. Ён (віцэ-прэм'ер Пётр Пархомчык, які курыруе прамысловасць. - Заўвага БЕЛТА) усё для лесу павінен рабіць тут. Калі не могуць нешта для бензапілы (зрабіць. - Заўвага БЕЛТА) - на першых этапах закупім. Таму на працягу бягучага года ён павінен пачаць гэта рабіць. Яшчэ не хапала гэта купляць", - даручыў кіраўнік дзяржавы.

Прэзідэнт даручыў узяць гэта пытанне на кантроль КДК, паколькі такой прадукцыі закупляецца штогод на мільёны долараў.-0-
Падпісвайцеся на нас у
Twitter
Топ-навіны
Свежыя навіны Беларусі