Сцяг Нядзеля, 14 ліпеня 2024
Усе навіны
Усе навіны
Прэзідэнт
31 мая 2024, 13:35

Лукашэнка і Пуцін абмеркавалі пытанні бяспекі, будучыя мерапрыемствы, візіты і рэалізацыю дамоўленасцей

Фота з архіва
Фота з архіва
31 мая, Мінск /Кар. БЕЛТА/. Адбылася тэлефонная размова прэзідэнтаў Беларусі і Расіі Аляксандра Лукашэнкі і Уладзіміра Пуціна. Аб гэтым БЕЛТА паведамілі ў прэс-службе беларускага лідара.

У цэнтры ўвагі кіраўнікоў дзяржаў былі пытанні бяспекі і недапушчэння эскалацыі ўкраінскага канфлікту.

Таксама лідары абмеркавалі будучы XI Форум рэгіёнаў Беларусі і Расіі, які ў гэтым годзе прыме Віцебская вобласць, і прадстаўніцтва расійскай дэлегацыі на гэтым маштабным мерапрыемстве.

Яшчэ адной тэмай размовы стала вялікая і значная дата - 80-годдзе вызвалення Беларусі ад нямецка-фашысцкіх захопнікаў. Тут прэзідэнты таксама абмеркавалі пытанне прадстаўніцтва Расіі на парадзе 3 ліпеня ў Мінску.

У ходзе абмеркавання міжнароднага парадку Аляксандр Лукашэнка і Уладзімір Пуцін разгледзелі пытанні будучага саміту Шанхайскай арганізацыі супрацоўніцтва ў Астане. Яны таксама дамовіліся аб сустрэчы на палях саміту.

Што датычыцца эканомікі, Прэзідэнт Расіі праінфармаваў беларускага калегу аб рабоце ўрада Расіі па рэалізацыі дамоўленасцей, дасягнутых у час яго нядаўняга афіцыйнага візіту ў Мінск.

Таксама ў ходзе размовы былі закрануты дэталі і пытанні маючага адбыцца візіту Прэзідэнта Беларусі ў Манголію і Іркуцкую вобласць.-0-
Падпісвайцеся на нас у
Twitter
Топ-навіны
Свежыя навіны Беларусі