17 ліпеня, Мінск /Уладзімір Мацвееў - БЕЛТА/. У 2018 годзе на граніцы Беларусі былі затрыманы буйныя партыі наркотыкаў. Аб гэтым пасля даклада Прэзідэнту Беларусі Аляксандру Лукашэнку расказаў журналістам старшыня Дзяржаўнага мытнага камітэта Юрый Сянько, перадае карэспандэнт БЕЛТА.
"Затрыманы буйныя партыі наркатычных прэпаратаў, якія ў далейшым прызначаліся для транзіту па тэрыторыі нашай краіны. Як правіла, усе наркотыкі транзітнага прызначэння ў бок Расіі", - заявіў старшыня ДМК.
Ён расказаў, што, у прыватнасці, некалькі дзён таму ў пункце пропуску "Брузгі" быў затрыманы грамадзянін Расіі, які перамяшчаў 1,1 кг какаіну. Наркотык прызначаўся для далейшага транзіту ў РФ. Паводле слоў старшыні ДМК, быў даволі сур'ёзна выраблены тайнік, выявіць які змаглі дзякуючы інспекцыйна-надгляднаму комплексу. "Інспектар-рэнтгенолаг змог убачыць у міжстолевай прасторы за абшыўкай практычна новага аўтамабіля "Аўдзі" закладкі - дзве ўпакоўкі з какаінам - кожная па 550 г", - сказаў Юрый Сянько.-0-
