Мабільная версія
ДЗЯРЖОРГАНЫ
Апошнія навіны
Усе навіны

Спроба прарыву праз дзяржграніцу прадухілена ў раёне пункта пропуску "Аляксандраўка"

Грамадства 20.03.2017 | 11:46
Фота з архіва
Фота з архіва

20 сакавіка, Мінск /Кар. БЕЛТА/. Спроба прарыву праз дзяржаўную граніцу прадухілена ў раёне пункта пропуску "Аляксандраўка". Аб гэтым карэспандэнту БЕЛТА паведаміў афіцыйны прадстаўнік Дзяржаўнага пагранічнага камітэта Антон Бычкоўскі.

"У 1.45 20 сакавіка на ўезд у Беларусь з Украіны ажыццёўлена спроба прарыву праз дзяржаўную граніцу ў пункце пропуску "Аляксандраўка" аўтамабіля маркі "Джып". Транспартны сродак збіў шлагбаум, праехаў праз сродак прымусовага прыпынку і, атрымаўшы механічныя пашкоджанні, зрабіў спробу прарыву ўглыб тэрыторыі Рэспублікі Беларусь, - праінфармаваў Антон Бычкоўскі. - У мэтах затрымання названага аўтамабіля супрацоўнікамі органаў пагранічнай службы ў пункце пропуску была прыменена па ім табельная зброя".

У 1.55 аператыўнай групай Дзяржаўнага пагранічнага камітэта ў непасрэднай блізкасці ад пункта пропуску "Аляксандраўка" ў раёне населенага пункта Габрылееўка Нараўлянскага раёна Гомельскай вобласці з прымяненнем зброі аўтамабіль быў спынены, затрыманы два грамадзяніны, іх асоба ўстанаўліваецца. Паводле існуючай інфармацыі, у аўтамабілі мог знаходзіцца яшчэ адзін невядомы, якога цяпер шукаюць.

У час знешняга агляду аўтамабіля знойдзены пісталет маркі ТТ і два поўныя магазіны, а таксама прадмет, знешне падобны на тратыл з электрадэтанатарамі.

Праводзяцца аператыўна-следчыя мерапрыемствы.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Беларусь - Украіна: гандлёва-эканамічнае супрацоўніцтва Тавараабарот Беларусі з Украінай па выніках 2016 года павялічыўся на 10,5%, экспарт - на 13,2%, імпарт - на 3,2%. Сальда дадатнае - $1,87 млрд