26 верасня, Мінск /Кар. БЕЛТА/. Пастановай Савета Міністраў ад 26 верасня 2016 года нумар 761 унесены змяненні і дапаўненні ў Інструкцыю аб парадку ажыццяўлення абавязковай юрыдычнай экспертызы нарматыўных прававых актаў, паведамілі БЕЛТА ў прэс-службе ўрада.
Дакумент накіраваны на павышэнне якасці нарматворчай дзейнасці дзяржаўных органаў і ўдасканаленне парадку правядзення абавязковай юрыдычнай экспертызы іх нарматыўных прававых актаў.
У прыватнасці, з інструкцыі выключаны такія падставы для падаўжэння тэрміну правядзення экспертызы, як неабходнасць выпрацоўкі аднастайных падыходаў адносна прававога рэгулявання пытанняў, змешчаных ва ўзаемазвязаных нарматыўных прававых актах, што адначасова знаходзяцца на экспертызе; неабходнасць даследавання архіўных дакументаў, маючых значэнне для правядзення экспертызы; неабходнасць выпатрабавання ў нарматворчага органа дадатковых дакументаў. Пры гэтым пералік дапоўнены такой падставай, як матываваная просьба нарматворчага органа аб неабходнасці прадаўжэння тэрміну экспертызы з пазначэннем прычын неабходнасці такога прадаўжэння.
Акрамя таго, пастановай прадугледжана, што ў выключных выпадках тэрмін правядзення экспертызы можа быць прадоўжаны кіраўніцтвам Міністэрства юстыцыі, галоўнага ўпраўлення юстыцыі аблвыканкама на падставе матываванай просьбы кіраўніка структурнага падраздзялення, што ажыццяўляе экспертызу ў Міністэрстве юстыцыі, галоўнага ўпраўлення юстыцыі аблвыканкама, або асоб, якія выконваюць іх абавязкі.
Разам з гэтым скарочаны пералік падстаў для вяртання акта без правядзення экспертызы.
Таксама змяніліся падыходы да дапрацоўкі акта ў ходзе экспертызы. Згодна з пастановай дапрацоўка акта ў ходзе экспертызы ажыццяўляецца ў двух выключных выпадках: калі неадпаведнасць акта патрабаванням нарматворчай тэхнікі з'яўляецца нязначнай, а таксама пры наяўнасці ў акце важных і (або) тэрміновых мерапрыемстваў, што падлягаюць неадкладнай рэалізацыі. Дапрацоўка акта будзе ажыццяўляцца нарматворчымі органамі на працягу пяці рабочых дзён.
Гэта пастанова ўступае ў сілу з 1 кастрычніка 2016 года.-0-
