Мабільная версія
ДЗЯРЖОРГАНЫ
Апошнія навіны
Усе навіны

Прафсаюзы Кітая гатовы садзейнічаць стварэнню сваіх ячэек на прадпрыемствах-рэзідэнтах "Вялікага каменя"

Грамадства 14.11.2017 | 18:38
Фота з архіва
Фота з архіва

14 лістапада, Мінск /Кар. БЕЛТА/. Прафсаюзы КНР гатовы садзейнічаць стварэнню і рабоце грамадскіх аб'яднанняў рабочых на кітайскіх прадпрыемствах - рэзідэнтах індустрыяльнага парка "Вялікі камень". Аб гэтым і іншых напрамках супрацоўніцтва ішла размова сёння на сустрэчы дэлегацыі Пекінскай федэрацыі прафсаюзаў з кіраўніцтвам і актывам Мінскага гарадскога аб'яднання прафсаюзаў, паведаміў карэспандэнту БЕЛТА старшыня аб'яднання Мікалай Беланоўскі.

Мінскае гарадское аб'яднанне арганізацый прафсаюзаў з 13 па 15 лістапада прымае дэлегацыю Пекінскай федэрацыі прафсаюзаў. "Два гады таму мы заключылі дагавор аб дружбе і супрацоўніцтве, якое стараемся актыўна развіваць. У складзе дэлегацыі да нас прыехалі прадстаўнікі самых розных прафсаюзных арганізацый, напрыклад, работнікаў транспарту і перавозкі Пекіна, падаткаабкладання і іншых. Яны знаёмяцца з работай прадпрыемстваў свайго профілю ў Мінску і іх прафсаюзаў. Гасцей цікавіць усё - працоўны дагавор, сацыяльнае партнёрства, ахова моладзі, узаемадзеянне з саветамі ветэранаў. Таксама яны шмат пытанняў задавалі аб функцыянаванні прадпрыемстваў - рэзідэнтаў індустрыяльнага парка "Вялікі камень" і рэалізацыі права ствараць прафсаюзы. Кітайскі бок у гэтым зацікаўлены, як і Беларусь, і таму гатовы аказваць садзейнічанне", - растлумачыў Мікалай Беланоўскі.

Праграма знаходжання дэлегацыі ўключае знаёмства з ДП "Мінсктранс" і ААТ "Керамін", наведванне музея гісторыі Вялікай Айчыннай вайны і сацыяльна-культурных аб'ектаў горада, а таксама Федэрацыі прафсаюзаў Беларусі. Паводле слоў Мікалая Беланоўскага, адна з галоўных мэт візіту - умацаванне прамых кантактаў паміж прадпрыемствамі дзвюх краін.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Трэць жылля ў Беларусі будуецца для маючых патрэбу У студзені-кастрычніку 2017 года пабудавана 34,8 тыс. новых кватэр. Уведзена ў эксплуатацыю 3 050,6 тыс. кв.м агульнай плошчы жылля.