25 верасня, Мінск /Кар. БЕЛТА/. Начныя замаразкі чакаюцца месцамі па Беларусі 26 верасня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сіноптыкі папярэджваюць аб неспрыяльных метэаралагічных з'явах. Па паўночным захадзе Беларусі аб'яўлены аранжавы ўзровень небяспекі з-за моцнага ветру.
У сераду будзе воблачна з праясненнямі, уначы пераважна без ападкаў, удзень па паўночна-заходняй частцы краіны пройдуць кароткачасовыя дажджы. Вецер прагназуецца паўночна-заходні, заходні 6-11 м/с, удзень з парывамі да 14 м/с, па паўночным захадзе - да 15-20 м/с.
Тэмпература паветра ўначы складзе 1-6 градусаў вышэй за нуль, месцамі чакаюцца замаразкі да нуля - мінус 3. Удзень будзе 9-15 градусаў цяпла.-0-