24 жніўня, Мінск /Кар. БЕЛТА/. У Міністэрстве юстыцыі Беларусі прайшла сустрэча з экспертамі Міжнароднага саюза натарыята, паведаміла БЕЛТА прэс-сакратар Міністэрства юстыцыі Вольга Мурашкоўская.
Асноўная мэта сустрэчы заключалася ў азнаямленні міжнародных экспертаў з функцыянаваннем інстытута натарыята ў Беларусі.
Прадстаўнікі Міністэрства юстыцыі далі тлумачэнні па пытаннях функцыянавання натарыяльных кантор і бюро, а таксама па метадах кантролю за дзейнасцю натарыусаў у рэспубліцы. Эксперты Міжнароднага саюза ў сваю чаргу далі станоўчую ацэнку праведзенай у 2014 годзе рэформе ў сферы натарыята. Адзначана, што беларускі натарыят за даволі кароткі тэрмін дасягнуў значных рэзультатаў.
Па выніках візіту камісія па міжнародным натарыяльным супрацоўніцтве саюза падрыхтуе справаздачу, на падставе якой будзе разгледжана пытанне аб магчымасці ўступлення натарыята Беларусі ў Міжнародны саюз натарыята.-0-
