Мабільная версія
ДЗЯРЖОРГАНЫ
Апошнія навіны
Усе навіны

Мінпрыроды пачало выкарыстоўваць дроны для кантрольных мерапрыемстваў па навядзенні парадку на зямлі

Грамадства 14.04.2018 | 14:17
Фота Мінпрыроды
Фота Мінпрыроды

14 красавіка, Мінск /Кар. БЕЛТА/. Міністэрства прыродных рэсурсаў і аховы навакольнага асяроддзя пачало выкарыстоўваць дроны для кантрольных мерапрыемстваў па навядзенні парадку на зямлі, паведамілі БЕЛТА ў прэс-службе ведамства.

"Першымі ў сваёй рабоце пратэсціравалі дрон інспектары па ахове навакольнага асяроддзя Гродзенскага абласнога камітэта прыродных рэсурсаў і аховы навакольнага асяроддзя. Выпрабаванні, якія праводзіліся ў Іўеўскім раёне пры абследаванні аб'ектаў па захаванні цвёрдых камунальных адходаў (палігонаў), паказалі высокую эфектыўнасць выкарыстання сучасных тэхналогій у прыродаахоўнай дзейнасці. Па выніках абследавання палігонаў выяўлены парушэнні патрабаванняў прыродаахоўнага заканадаўства, пачаты адміністрацыйны працэс у адносінах да ўласніка аб'ектаў", - расказалі ў міністэрстве.

У Мінпрыроды ўдакладнілі, што беспілотныя апараты плануецца закупіць ва ўсіх камітэтах прыродных рэсурсаў і аховы навакольнага асяроддзя. Выкарыстоўвацца яны будуць пры правядзенні такіх кантрольных мерапрыемстваў па навядзенні парадку на зямлі, як кантроль за недапушчэннем размяшчэння адходаў у несанкцыянаваных месцах, выкананнем правіл эксплуатацыі аб'ектаў пахавання цвёрдых камунальных адходаў; недапушчэнне выпальвання сухой расліннасці; добраўпарадкаванне месцаў і зон адпачынку; выяўленне фактаў распаўсюджвання баршчэўніка Сасноўскага і непрыняцце мер па яго знішчэнні; выяўленне фактаў захламленасці; стан ачышчальных збудаванняў.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Вынікі "Тыдня лесу - 2018" "Тыдзень лесу - 2018" быў прымеркаваны да Года малой радзімы і прысвечаны аднаўленню лясоў, што пацярпелі ад масавага распаўсюджвання насякомых-шкоднікаў у 2017 годзе.