6 сакавіка, Мінск /Кар. БЕЛТА/. Урочышча Курапаты павінна быць месцам памяці. Такое меркаванне карэспандэнту БЕЛТА выказаў старшыня Саюза пісьменнікаў Беларусі Мікалай Чаргінец.
"У Курапатах трэба проста аддаць даніну памяці загінулым", - лічыць Мікалай Чаргінец.
Курапаты павінны стаць аб'ядноўваючым сімвалам, не трэба абвастраць вакол іх сітуацыю. "Урочышча не павінна ператварацца ў палітычную Мекку, тут патрэбны знак у памяць аб бязвінна загінулых", - падкрэсліў ён.
У Беларусі з удзелам вучоных, грамадскіх дзеячаў абмяркоўваецца статус Курапат, значэнне гэтага месца ў грамадскім жыцці, урокі, якія трэба атрымаць з трагічнага мінулага. Разглядаецца магчымасць стварэння ва ўрочышчы нацыянальнага мемарыяла памяці і смутку.-0-
