26 ліпеня, Мінск /Кар. БЕЛТА/. Кароткачасовыя дажджы і навальніцы чакаюцца 27 ліпеня ў Беларусі, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. У асобных раёнах пройдуць кароткачасовыя дажджы, прагрымяць навальніцы. Ноччу і раніцай месцамі прагназуецца туман. Вецер уначы будзе слабы, удзень паўднёвы 4-9 м/с, пры навальніцах парывы дасягнуць 14 м/с.
Тэмпература паветра ноччу складзе 13-19 градусаў цяпла, днём будзе плюс 23-29 градусаў.-0-
