Мабільная версія
ДЗЯРЖОРГАНЫ
Апошнія навіны
Усе навіны

Янкоў: кансалідацыя грамадства - залог паступальнага руху наперад ва ўсіх сферах

Грамадства 26.04.2018 | 12:24
Дзмітрый Янкоў. Фота з архіва
Дзмітрый Янкоў. Фота з архіва

26 красавіка, Магілёў /Юлія Еўмянькова - БЕЛТА/. Кансалідаваць грамадства і ўсе галіны эканомікі, каб дабіцца паступальнага і станоўчага руху наперад - адзін з асноўных пасылаў Паслання Прэзідэнта беларускаму народу і Нацыянальнаму сходу. Такое меркаванне выказаў карэспандэнту БЕЛТА, каменціруючы Пасланне, старшыня Магілёўскага абласнога аб'яднання прафсаюзаў Дзмітрый Янкоў.

"Каб дабіцца выніку, трэба аб'яднаць намаганні і ўсім разам - прадпрыемствам і цэлым галінам - з'яднацца ў адзінай камандзе на эканамічным рынку, - падкрэсліў Дзмітрый Янкоў. - Толькі зладжаная работа ў цеснай кааперацыі дасць на выхадзе якасную, запатрабаваную і канкурэнтаздольную прадукцыю, якая адпавядае развіццю грамадства і дзяржавы".

Паводле слоў старшыні Магілёўскага абласнога аб'яднання прафсаюзаў, фармат Паслання вельмі актуальны. "Сёння ў кіруючае звяно сярэдняга і вышэйшага рангу прыходзяць шмат маладых і перспектыўных людзей, якім проста неабходна пачуць, якія пасылы, прапановы і пажаданні па развіцці нашага грамадства і беларускай эканомікі агучвае кіраўнік дзяржавы. Гэта дае ім магчымасць вызначыцца з актуальнымі пытаннямі і праблемамі, якія патрабуюць першачарговага вырашэння", - упэўнены Дзмітрый Янкоў.

"Эканоміка - гэта паўсядзённая праца тысяч людзей ад кіраўнікоў вышэйшага рангу да простых рабочых, і менавіта эканамічнаму блоку пытанняў Прэзідэнт удзяліў самую пільную ўвагу напярэдадні Дня працы - міжнароднага свята, якое сімвалізуе салідарнасць працоўных і адзінства грамадства ў імкненні да міру, дабрабыту, стабільнальнага і ўстойлівага развіцця", - сказаў на заканчэнне ён.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аршанскі раён Аршанскі раён знаходзіцца на паўднёвым усходзе Віцебскай вобласці. Адміністрацыйны цэнтр - горад Орша з насельніцтвам 115 тыс. чалавек.