1 лютага, Мінск /Кар. БЕЛТА/. Акцыі "Дзень скідак" на нехарчовыя тавары пройдуць у гандлёвых арганізацыях Мінска ў лютым, паведамілі БЕЛТА ў галоўным упраўленні спажывецкага рынку Мінгарвыканкама.
Так, скідкі ў ААТ "ЦУМ Мінск" 11, 18 і 25 лютага складуць 17 працэнтаў; У ГКУП "Універмаг Беларусь" 7, 14, 21 і 28 лютага - 20 працэнтаў; у ААТ "ГУМ" 9 і 23 лютага - 17 працэнтаў. ТАА "Гандлёвы дом "На Нямізе" кожную сераду 1, 8, 15 і 22 лютага будзе рэалізоўваць нехарчовыя тавары са скідкай 20 працэнтаў. УП "Кірмаш" будзе прадаваць тавары са скідкай 20 працэнтаў 1 лютага.
У ТАА "Старт-Х" скідка 15 працэнтаў на тавары аб'яўлена кожную сераду 1, 8, 15 і 22 лютага; ГТАА "Севяранка" 8, 15, 21 і 22 лютага прапануе пакупнікам скідку 15 працэнтаў на асобныя групы прамысловых тавараў; ЗАТ "1000 дробязей" 2, 9, 16 і 23 лютага - 15 працэнтаў; ЗАТ "Гаспадар і Гаспадыня" (пр. Незалежнасці, 131/1) 8, 15, 22 лютага - 20 працэнтаў.
Магазіны ГЦ "Сталіца" 11 і 25 лютага прапануюць скідкі ад 5 працэнтаў да 50 працэнтаў.
ТДА "Вераніка" (вул. Прытыцкага, 38) 13, 22 і 23 лютага будзе прадаваць тавары са скідкай 15 працэнтаў; ЗАТ "Крышталь" (пр. Незалежнасці, 39) прапануе пакупнікам скідкі 15 працэнтаў кожную сераду 1, 8, 15 і 22 лютага.-0-
