Мабільная версія
ДЗЯРЖОРГАНЫ
Апошнія навіны
Усе навіны

Больш як 1 тыс. удзельнікаў падалі заяўкі на конкурс па стварэнні талісмана Еўрагульняў-2019

Грамадства 14.11.2017 | 17:13

14 лістапада, Мінск /Кар. БЕЛТА/. Больш як 1 тыс. удзельнікаў падалі заяўкі на конкурс па стварэнні талісмана ІІ Еўрапейскіх гульняў 2019 года. Аб гэтым паведаміў сёння журналістам дырэктар фонду "Дырэкцыя ІІ Еўрапейскіх гульняў 2019 года" Георгій Катулін на прэзентацыі лепшых работ конкурсу, перадае карэспандэнт БЕЛТА.

"Моладзь Беларусі адгукнулася на заклік паўдзельнічаць у конкурсе талісманаў. Ведаю, што прынялі ўдзел цэлыя калектывы студый выяўленчага мастацтва, гурткоў, школ. Мы атрымалі больш за тысячу заявак", - расказаў дырэктар фонду.

Георгій Катулін адзначыў высокі ўзровень прадстаўленых работ. "Журы конкурсу чакае вялікая работа. Многія з работ - сапраўдныя творы мастацтваў. У кожным з малюнкаў відаць любоў да роднай краіны", - падкрэсліў ён.

На пляцоўцы "Валанцёр - душа спорту" прадстаўнікі валанцёрскага руху БРСМ "Добрае Сэрца" запоўнілі анкету-заяўку кандыдатаў для ўдзелу ў Еўрагульнях-2019 у якасці валанцёраў. Таксама сёння прадстаўнікі нацыянальнай беларускай дэлегацыі на ХІХ Сусветным фестывалі моладзі і студэнтаў у Сочы прэзентавалі "Кнігу добрых пажаданняў" беларускім спартсменам да Еўрагульняў-2019.

Прэзентацыя лепшых работ удзельнікаў конкурсу на распрацоўку талісмана ІІ Еўрапейскіх гульняў-2019 прайшла сёння ў Мінску па ініцыятыве БРСМ у Рэспубліканскім доме моладзі. Наведвальнікі выстаўкі-прэзентацыі прынялі ўдзел у сімвалічным галасаванні за лепшыя творчыя прапановы, якія паступілі на конкурс. Галасаванне ніяк не паўплывае на вынікі конкурсу, але стане стымулам для тых, хто яшчэ толькі плануе накіраваць заяўку для ўдзелу ў праекце. Апошні дзень прыёму работ - 15 лістапада. Афіцыйнымі арганізатарамі конкурсу з'яўляюцца Нацыянальны алімпійскі камітэт Беларусі, Міністэрства інфармацыі, фонд "Дырэкцыя ІІ Еўрапейскіх гульняў 2019 года", Нацыянальная дзяржаўная тэлерадыёкампанія.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Трэць жылля ў Беларусі будуецца для маючых патрэбу У студзені-кастрычніку 2017 года пабудавана 34,8 тыс. новых кватэр. Уведзена ў эксплуатацыю 3 050,6 тыс. кв.м агульнай плошчы жылля.