Мабільная версія
ДЗЯРЖОРГАНЫ
Апошнія навіны
Усе навіны

Беларуская гуманітарная дапамога сёння будзе дастаўлена ў Краматорск і Севераданецк

Грамадства 14.06.2018 | 13:01

14 чэрвеня, Мінск /Кар. БЕЛТА/. Беларуская гуманітарная дапамога сёння будзе дастаўлена ў гарады Краматорск і Севераданецк на ўсходзе Украіны, паведамілі БЕЛТА ў МНС Беларусі.

"Сёння раніцай гуманітарны канвой МНС Беларусі выехаў з Харкава. Накіроўваемся на Краматорск і Севераданецк", - праінфармавалі ў МНС. Гуманітарная дапамога ў абодва гарады будзе дастаўлена сёння.

Як паведамлялася, беларуская гуманітарная дапамога была накіравана ва Украіну 11 чэрвеня, на наступны дзень калона прыбыла ў Кіеў. Там частка грузу была перададзена місіі Міжнароднага Чырвонага Крыжа, затым калона накіравалася да Харкава. Як паведамляў першы намеснік міністра па надзвычайных сітуацыях Беларусі Аляксандр Худалееў, у Краматорску і Севераданецку слабаабароненым будуць прадастаўлены камплекты мэблі і халадзільнікі. МНС Беларусі перадасць 75 камплектаў парт з крэсламі для старэйшага школьнага ўзросту, 75 шаф для школьных прылад і падручнікаў і 44 халадзільнікі "Атлант" для школ і медыцынскіх устаноў.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дынаміка змянення стаўкі рэфінансавання НБ РБ Нацыянальны банк зніжае стаўку рэфінансавання ў Беларусі з 27 чэрвеня на 0,5 працэнтнага пункта да 10% гадавых. Апошні раз стаўка рэфінансавання змянялася 14 лютага 2018 года.