Мабільная версія
ДЗЯРЖОРГАНЫ
Апошнія навіны
ІНФАГРАФІКА: Час стаць прыкметней
20 кастрычніка 2017 Стужка навiн
Усе навіны

Беларусь запрасіла МАГАТЭ ў якасці наглядальніка на вучэнні па рэагаванні на радыяцыйныя аварыі

Грамадства 21.09.2017 | 19:07
У час сустрэчы
У час сустрэчы

21 верасня, Вена /Кар. БЕЛТА/. Беларусь запрасіла МАГАТЭ ў якасці наглядальніка на вучэнні, якія пройдуць у краіне 18-19 кастрычніка, па рэагаванні на радыяцыйныя аварыі. Аб гэтым ішла размова на сустрэчы беларускай дэлегацыі з намеснікам генеральнага дырэктара МАГАТЭ Хуанам Карласам Ленціха на палях 61-й сесіі Генеральнай канферэнцыі агенцтва ў Вене, перадае карэспандэнт БЕЛТА.

Бакі абмеркавалі ўзаемадзеянне Беларусі і МАГАТЭ ў сферы садзейнічання дасягненню максімальна высокага ўзроўню ядзернай бяспекі пры будаўніцтве Беларускай АЭС. У прыватнасці, у 2016 годзе праведзена адна з асноўных ацэначных місій агенцтва ў сферы ядзернай бяспекі - місія па комплекснай ацэнцы рэгулюючай інфраструктуры ў галіне ядзернай і радыяцыйнай бяспекі (IRRS). Начальнік Дзяржатамнагляду Вольга Лугаўская праінфармавала намесніка генеральнага дырэктара МАГАТЭ аб рабоце па выкананні рэкамендацый і прапаноў, атрыманых у ходзе місіі.

Цяпер Беларусь рыхтуецца да яшчэ адной ацэначнай місіі агенцтва - місіі па аварыйнай гатоўнасці і рэагаванні (EPREV). Адным з элементаў падрыхтоўкі да яе стануць арганізуемыя МНС рэспубліканскія штабныя вучэнні, якія пройдуць 18-19 кастрычніка бягучага года, па рэагаванні на радыяцыйныя аварыі. Беларускі бок афіцыйна запрасіў агенцтва прыняць удзел у вучэнні ў якасці наглядальніка.

Хуан Карлас Ленціха быў праінфармаваны аб праводзімай рабоце па стрэс-тэстах Беларускай АЭС. Стрэс-тэсты стануць адным з элементаў ацэнкі бяспекі станцыі на этапе выдачы ліцэнзіі на яе эксплуатацыю.

Беларускі бок расказаў пра меры, што прымаюцца для забеспячэння транспарэнтнасці ядзернага энергетычнага праекта. Справаздачы аб праведзеных у Беларусі ацэначных місіях агенцтва і краінавая справаздача па выніках Агляднай нарады дагаворных бакоў Канвенцыі аб ядзернай бяспецы адкрыты для грамадскасці і размешчаны ў інтэрнэце.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час стаць прыкметней З 16 па 26 кастрычніка Дзяржаўтаінспекцыя праводзіць рэспубліканскую акцыю па прафілактыцы гібелі і траўматызму людзей на дарогах у цёмны час сутак.