Мабільная версія
ДЗЯРЖОРГАНЫ
Апошнія навіны
Усе навіны

Беларусь увайшла ў лік 30 самых танных для жыцця краін паводле версіі GOBankingRates

Грамадства 07.03.2018 | 18:28

7 сакавіка, Мінск /Кар. БЕЛТА/. Фінансава-кансультацыйны партал GOBankingRates апублікаваў чарговы топ-50 краін, у якіх расходы на жыццё самыя нізкія і куды варта пераехаць, каб траціць менш. Беларусь у рэйтынгу заняла 27-ю пазіцыю.

"У Беларусі, на фоне чароўнай прыроды, сярод палацаў і крэпасцей, вы адчуеце сябе як у казцы. Кошт жыцця тут на 66 працэнтаў ніжэйшы, чым у Нью-Ёрку", - гаворыцца ў каментарыі gobankingrates.com. Згодна з інфармацыяй аўтараў даследавання, цэны на прадукты ў Беларусі складаюць толькі 28 працэнтаў ад нью-ёркскіх, а арэнда жылля абыдзецца на 89 працэнтаў танней.

Год таму ў гэтым рэйтынгу Беларусь займала 50-е месца.

Самай таннай для жыцця краінай у свежым рэйтынгу названа Індыя. Далей у рэйтынгу размясціліся Саудаўская Аравія і Пакістан. З краін СНД у топ увайшлі Украіна (6-е месца), Малдова (19), Казахстан (31), Арменія (34), Азербайджан (35). Кітай займае 37-ы радок рэйтынгу.

Адзначаецца, што былі прааналізаваны даныя па 115 краінах свету, кошт расходаў параўноўваўся з цэнамі ў Нью-Ёрку.

Краіны ацэньваліся па пяці асноўных паказчыках: індэкс пакупніцкай здольнасці (вымярае адносную пакупную здольнасць у краіне ў параўнанні з Нью-Ёркам), індэкс арэнднай платы за жыллё, індэкс харчовых тавараў, індэкс кошту жыцця (што ўключае расходы на мясцовыя тавары і паслугі, такія як транспарт і камунальныя паслугі) і індэкс цэн у рэстаранах, які параўноўвае цэны на стравы і напіткі ў рэстаранах і барах.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Экспарт прадукцыі АПК Экспарт беларускай сельгаспрадукцыі ў студзені-маі вырас на 6,5% і дасягнуў $2,071 млрд.