Мабільная версія
ДЗЯРЖОРГАНЫ
Апошнія навіны
Усе навіны

Асабістыя прыёмы даюць магчымасць зняць не вырашаныя на іншых узроўнях пытанні - меркаванне

Грамадства 10.11.2017 | 09:00

10 лістапада, Гродна /Кар. БЕЛТА/. Асабістыя прыёмы даюць магчымасць быць пачутымі і зняць пытанні, не вырашаныя на іншых узроўнях. Такое меркаванне карэспандэнту БЕЛТА выказала жыхарка Гродна Ала Варанко, каменціруючы вынікі асабістага прыёму грамадзян памочнікам Прэзідэнта - інспектарам па Гродзенскай вобласці Сяргеем Раўнейкам.

Жанчына прадстаўляла садовае таварыства, якое ўзнікла больш за 50 гадоў таму на землях, што належаць чыгунцы, побач з невыкарыстоўваемай, але маючай стратэгічнае значэнне веткай. Дачы тут атрымалі сем'і чыгуначнікаў. Цяпер ветка разабрана, у хуткім часе праз тэрыторыю дачнага пасёлка будзе пабудавана важная для Гродна магістраль, якая звяжа два спальныя раёны з мінскай трасай. Дакументаў на ўчасткі ў дачнікаў няма, ім уручана прадпісанне аб зносе, усе пабудовы тут незаконныя. Людзі не спрачаюцца, аднак хацелі б дакладна даведацца, калі пачнуцца будаўнічыя работы, каб паспець перавезці маёмасць, вырашыць іншыя пытанні. Па выніках прыёму гарадскім уладам даручана правесці сустрэчу з людзьмі і яшчэ раз дакладна ўсё растлумачыць.

"Вельмі важна, што мы былі пачуты. Мы перш за ўсё хацелі, каб працэс быў упарадкаваным, каб на нашы пытанні далі дакладныя адказы. Прыём даў магчымасць зняць не вырашаныя на іншых узроўнях праблемы", - сказала Ала Варанко.

Рэзультатыўнасць асабістых прыёмаў грамадзян адзначыў і жыхар Ліды Іван Ясевіч. Некалькі прыступак ганка яго прыватнага дома выйшлі за межы ўчастка. Зямлю пад будаўніцтва прыватнага дома вылучалі больш за 20 гадоў таму, не ўсе дакументы за гэты час захаваліся. Так атрымалася, што згодна з цяперашнімі нормамі гэтыя прыступкі - незаконны самострой, які неабходна знесці, хоць яны нікому не перашкаджаюць і ніякай небяспекі не ўяўляюць. Прэтэнзіі да мужчыны павінны быць зняты - не настолькі значнае яго парушэнне. "Праблема вырашана - вось галоўны вынік прыёму для мяне", - падкрэсліў Іван Ясевіч.

Паводле слоў Сяргея Раўнейкі, зямельная тэма прадаўжае заставацца актуальнай у час асабістых прыёмаў. За даўнасцю гадоў не заўсёды захоўваюцца праваўстаноўчыя дакументы, і часам на гэтым фоне ўзнікаюць спрэчныя сітуацыі. "У першую чаргу павінны дзейнічаць прававыя інстытуты: калі два чалавекі не згодны, яны цывілізавана вырашаюць пытанні ў судзе. Але многія лічаць, што могуць вырашыць праблему, звяртаючыся, напрыклад, у выканкам. Мы не маем права ім адмовіць. Мясцовыя ўлады часта бяруць на сябе ролю трацейскага суддзі і знаходзяць спосабы прымірыць спрачальнікаў, калі тыя гатовыя ісці на ўзаемныя ўступкі", - сказаў Сяргей Раўнейка. Ён лічыць, што для мінімізацыі такіх выпадкаў павінны больш зладжана працаваць усе службы, у тым ліку землеўпарадкавальныя. Першапачатковая памылка спецыяліста, які нядобрасумленна паставіўся да работы, наблытаў з замерамі, можа прывесці да канфлікту і праблем, якія немагчыма вырашыць гадамі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.