23 лютага, Мінск /Кар. БЕЛТА/. Ападкі і да 10 градусаў цяпла чакаецца ў Беларусі 24 лютага, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. На большай частцы тэрыторыі краіны чакаюцца ападкі (мокры снег, дождж), на асобных участках дарог галалёдзіца. Вецер прагназуецца паўднёва-заходні, днём з пераходам на паўночна-заходні 6-11 м/с, ноччу па паўднёва-заходняй частцы, раніцай і днём на большай частцы тэрыторыі Беларусі магчымы парывы да 15-20 м/с.
Тэмпература паветра ноччу складзе ад мінус 1 да плюс 5 градусаў. Днём - плюс 1-7, па поўдні - да плюс 10 градусаў.-0-