Мабільная версія
ДЗЯРЖОРГАНЫ
Апошнія навіны
Усе навіны

Ад аграрнай сферы да нанатэхналогій - Гусакоў расказаў аб супрацоўніцтве Беларусі і Індыі ў навуцы

Грамадства 11.09.2017 | 18:41
Уладзімір Гусакоў. Фота з архіва
Уладзімір Гусакоў. Фота з архіва

11 верасня, Нью-Дэлі /Уладзімір Мацвееў - БЕЛТА/. Кіраўнікі навуковай сферы Беларусі і Індыі на перагаворах у Нью-Дэлі абмеркавалі крокі далейшага супрацоўніцтва па шырокім спектры напрамкаў. Аб гэтым расказаў журналістам старшыня Прэзідыума Нацыянальнай акадэміі навук Беларусі Уладзімір Гусакоў, перадае карэспандэнт БЕЛТА.

"Мы папярэдне прапрацоўвалі нашы напрамкі супрацоўніцтва і цяпер абмеркавалі канкрэтныя бліжэйшыя крокі. Гэта павінна быць шырокае ўзаемадзеянне паміж вучонымі Беларусі і Індыі па розных напрамках. У нас працуюць вучоныя ў галіне парашковай металургіі, хіміі новых матэрыялаў, па водаачыстцы, у галіне лазернай тэхнікі, фундаментальных даследаванняў", - адзначыў Уладзімір Гусакоў.

У бліжэйшы час бакі абмяняюцца дэлегацыямі, якія дадуць магчымасць як больш дэталёва вызначыць новыя напрамкі супрацоўніцтва, так і давесці да канца пачатае ўжо. "Праекты намячаюцца добрыя, з нядрэнным коштам. Гэта праекты, якія павінны прыцягнуць у нашу краіну нядрэнныя фінансавыя сродкі. Таму мы вельмі зацікаўлены ў наладжванні ўзаемадзеяння", - падкрэсліў старшыня Прэзідыума НАН.

Ёсць агульныя падыходы ў вучоных дзвюх краін у галіне касмічных даследаванняў, машынабудаванні, у тым ліку ў сферы электратранспарту. Бакі таксама дамаўляліся аб работах у галіне аграрных, біятэхналагічных даследаванняў, нанатэхналогій.

На перагаворах у Нью-Дэлі абмяркоўвалася і супрацоўніцтва ў фармацэўтыцы, у прыватнасці, з прадстаўнікамі адной з буйнейшых індыйскіх кампаній Cipla, якая вырабляе і пастаўляе ў розныя краіны свету больш як 2 тыс. найменняў лекавых сродкаў. Сумесна з гэтай кампаніяй у НАН плануецца стварыць навуковы цэнтр.

Варта адзначыць, што ў лістападзе 2016 года паміж Беларуссю і Індыяй было зацверджана 10 новых сумесных навукова-даследчых праектаў для рэалізацыі ў 2017-2018 гадах у галінах аднаўляльнай энергетыкі, лячэння раку, фармацэўтыкі, новых матэрыялаў, крыптаграфіі. Наладжана супрацоўніцтва ў галіне камерцыялізацыі тэхналогій.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Бізнес без рэгістрацыі ІП У Беларусі ўказам пашыраны пералік відаў эканамічнай дзейнасці, якімі грамадзяне маюць права займацца па заяўным прынцыпе без рэгістрацыі ў якасці індывідуальных прадпрымальнікаў.