21 сакавіка, Магілёў /Міхаіл Маціеўскі - БЕЛТА/. Намеснік міністра па надзвычайных сітуацыях Дзмітрый Бягун затрыманы па падазрэнні ў атрыманні хабару. Аб гэтым Прэзідэнт Беларусі Аляксандр Лукашэнка расказаў сёння ў час сустрэчы ў Магілёве з работнікамі прадпрыемстваў кампаніі "Кранаспан", перадае карэспандэнт БЕЛТА.
Дзмітрый Бягун падазраецца ў атрыманні хабару ад бізнесмена за ўвод у строй аб'екта з парушэннем патрабаванняў проціпажарнай бяспекі.
"Хабар браў. На месцы ўзялі ўсіх. Чаго крыўдзіцца на мяне? Усе аднолькавыя перад законам: і міністры, і намеснікі міністраў, - адзначыў Аляксандр Лукашэнка. - Атрымае восем гадоў мінімум. Дапрацаваўся да генеральскай пасады, каб у турме правесці час".
Пры гэтым Прэзідэнт звярнуў увагу, што ў такіх выпадках чыноўнікі не самі прымаюць аб'екты з парушэннямі, а даручаюць гэта сваім падначаленым. "Так загнівае грамадства, гніллю пакрываецца, - дадаў кіраўнік дзяржавы. - Намеснік міністра, вялікі чалавек. Што табе трэба, працуй. Чаго табе не хапае?"-0-
