18 мая, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка павіншаваў арганізатараў і ўдзельнікаў выставы "Іканапіс Беларусі XVII-XXI стагоддзяў" з адкрыццём экспазіцыі ў музеях Ватыкана, паведамілі БЕЛТА ў прэс-службе беларускага лідара.
"Гэты ўнікальны праект, які праходзіць у аб'яўлены ў Беларусі Год культуры, дэманструе непарыўныя духоўныя і эстэтычныя сувязі еўрапейскіх народаў, іх адданасць рэлігійным ідэалам і каштоўнасцям", - гаворыцца ў віншаванні.
Кіраўнік дзяржавы адзначыў, што паказ нацыянальнага іканапісу Беларусі ў сценах Ватыкана - знамянальная падзея і важны крок на шляху асэнсавання вельмі каштоўнай спадчыны беларускай культуры, неад'емнай часткай якой з'яўляецца хрысціянскае мастацтва.-0-
