Мабільная версія
ДЗЯРЖОРГАНЫ
Апошнія навіны
Усе навіны

Лукашэнка абмеркаваў з Рапотам падрыхтоўку да ВДС Саюзнай дзяржавы

Прэзідэнт 12.03.2018 | 11:26
Аляксандр Лукашэнка і Рыгор Рапота
Аляксандр Лукашэнка і Рыгор Рапота

12 сакавіка, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка сустрэўся сёння з Дзяржаўным сакратаром Саюзнай дзяржавы Рыгорам Рапотам. На сустрэчы абмяркоўваліся пералік пытанняў і тэрміны правядзення Вышэйшага дзяржаўнага савета, перадае карэспандэнт БЕЛТА.

"Ёсць шэраг пытанняў, якія пасля прэзідэнцкіх выбараў нам трэба сур'ёзна абмеркаваць, прааналізаваўшы сітуацыю. І ў сферы ваенна-палітычнага супрацоўніцтва, і ў сферы эканамічнага супрацоўніцтва паміж дзвюма дзяржавамі. Думаю, што фармат Саюзнай дзяржавы для гэтага падыходзіць. Таму нам трэба абмеркаваць з вамі, якія актуальныя пытанні мы вынесем на разгляд Вышэйшага дзяржаўнага савета, і пагаварыць аб тым, калі прыкладна мы зможам правесці ВДС", - сказаў Аляксандр Лукашэнка.

"У нас у Беларусі ўсе сыходзяцца на думцы, што калі атрымаецца ў нававыбранага Прэзідэнта Расіі наведаць Беларусь і адначасова правесці пасяджэнне Вышэйшага дзяржсавета, было б нядрэнна. Таму і гэту тэму нам трэба з вамі абмеркаваць, ну а потым прапануем новаму Прэзідэнту правесці такую сустрэчу ў Мінску, і правесці яе ў рамках пасяджэння ВДС. Ёсць што абмеркаваць", - адзначыў кіраўнік беларускай дзяржавы.

Да гэтага неабходна, каб урады і ведамствы дзвюх краін прапрацавалі адпаведныя пытанні. "Каб зноў не выносілася гэта на ўзровень прэзідэнтаў - тое, што павінны вырашаць міністры і іншыя члены ўрада", - дадаў Аляксандр Лукашэнка.

Ён таксама адзначыў, што ў Расіі ва ўмовах прэзідэнцкай выбарчай кампаніі актывізуюцца не толькі розныя эліты, зацікаўленыя людзі, але і грамадства ў цэлым. "У Беларусі таксама мы назіраем і адчуваем гэты пульс. І ўсё гэта не можа не ўплываць і на Беларусь. Але, на нашу радасць, да лепшага. Таму што не толькі актывізуецца грамадства напярэдадні прэзідэнцкіх выбараў, але і эканоміка. А паколькі вельмі цесна нашы эканомікі звязаны, спалучэнне высокае, зразумела, гэта плюс і для Беларусі. Галоўнае гэты тэмп і пасля выбараў падтрымаць. Думаю, зможам", - сказаў беларускі лідар.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.