13 сакавіка, Мінск /Кар. БЕЛТА/. Беларусь імкнецца паглыбляць двухбаковыя сувязі з Суданам. Аб гэтым заявіў намеснік прэм'ер-міністра Леанід Заяц у час сустрэчы з Надзвычайным і Паўнамоцным Паслом Рэспублікі Судан у Рэспубліцы Беларусь Махамедам Амерам Мусой Алі, перадае карэспандэнт БЕЛТА.
У Судана і Беларусі дастаткова цёплыя адносіны, адзначыў віцэ-прэм'ер. "Беларусь гатова прадаўжаць супрацоўніцтва з Суданам па ўсіх перспектыўных напрамках дзейнасці - прамысловая кааперацыя, сельская гаспадарка, энергетыка, медыцына, адукацыя. Акрамя таго, нам удалося рушыць наперад у аб'ёмах пастаўкі прадукцыі прамысловасці - нашых гігантаў МАЗ, МТЗ, "АМКАДОР", - адзначыў Леанід Заяц.
Намеснік прэм'ер-міністра таксама дадаў, што пазіцыі дзяржаў супадаюць па многіх міжнародных і рэгіянальных пытаннях. "Мы аказваем узаемную падтрымку ў міжнародных арганізацыях і падстаўляем плячо адзін аднаму ў цяжкія моманты. Мы высока цэнім дасягнуты ўзровень узаемадзеяння з Суданам і імкнёмся паглыбляць нашы двухбаковыя сувязі", - канстатаваў ён.
Беларуска-суданскае супрацоўніцтва заўсёды было заснавана на палітычнай падтрымцы, адкрытасці, павазе і ўзаемных эканамічных інтарэсах, падкрэсліў Леанід Заяц. "Мы гатовы да інтэнсіўнага дыялогу з нашымі суданскімі сябрамі, правядзення двухбаковых мерапрыемстваў і аднаўлення работы па сумесных праектах. Шчыра жадаю нам з вамі паспяховай і плённай сумеснай працы, вынікамі якой мы зможам ганарыцца", - рэзюмаваў ён.-0-
