16 лістапада, Мінск /Кар. БЕЛТА/. Беларусь з рабочым візітам 17 лістапада наведае Віцэ-канцлер, федэральны міністр замежных спраў Федэратыўнай Рэспублікі Германія Зігмар Габрыэль. Гэта першы з 1995 года двухбаковы візіт Федэральнага міністра замежных спраў Германіі ў Беларусь, паведамілі БЕЛТА ў прэс-службе МЗС Беларусі.
У час візіту запланавана сустрэча Зігмара Габрыэля з міністрам замежных спраў Беларусі Уладзімірам Макеем. Бакі абмяркуюць шырокі спектр пытанняў двухбаковага супрацоўніцтва, перспектывы развіцця дыялогу па лініі Беларусь - ЕС, абмяняюцца думкамі па міжнародным і рэгіянальным парадку дня.
Кіраўнік знешнепалітычнага ведамства Германіі таксама прыме ўдзел у XV Мінскім форуме.-0-
