Мабільная версія
ДЗЯРЖОРГАНЫ
Апошнія навіны
ІНФАГРАФІКА: "Тыдзень лесу - 2017"
Учора 16:14 Стужка навiн
Усе навіны

Мутонен: вылучэнне Купчыной на пасаду генсакратара АБСЕ - пазітыўная ініцыятыва Беларусі

Палітыка 17.03.2017 | 09:22

17 сакавіка, Мінск /Кар. БЕЛТА/. Старшыня Парламенцкай асамблеі АБСЕ Крысцін Мутонен лічыць вылучэнне Алены Купчыной на пасаду генеральнага сакратара АБСЕ пазітыўнай ініцыятывай Беларусі. Такое меркаванне яна выказала ў эфіры тэлеканала "Беларусь 1", паведамляе БЕЛТА.

"Лічу, што гэта пазітыўная ініцыятыва Беларусі. Рашэнне будзе прынята адпаведнымі інстытуцыянальнымі структурамі нашай арганізацыі, але, безумоўна, гэта знак таго, што Беларусь гатова ўскласці на сябе сур'ёзныя абавязкі ў міжнародных арганізацыях", - адзначыла Крысцін Мутонен.

У цэлым яна заўважыла, што пазіцыі жанчын у краіне і беларускім грамадстве моцныя.

"У мяне пачуццё, што я тут ужо тыдзень: столькі інфармацыі палітычнай, эканамічнай, культурнай. Я вырашыла, што прыеду ў Беларусь з задавальненнем яшчэ раз", - сказала яна.

Гаворачы аб сучасных выкліках і праблемах у сферы бяспекі, старшыня Парламенцкай асамблеі АБСЕ звярнула ўвагу на неабходнасць супрацоўніцтва на міжнароднай арэне. Маючая адбыцца сесія АБСЕ - магчымасць арганізаваць такі дыялог. Крысцін Мутонен асабліва адзначыла ролю Беларусі ва ўрэгуляванні сітуацыі на Украіне.

Як паведамлялася, Пастаянны прадстаўнік Беларусі пры АБСЕ, Надзвычайны і Паўнамоцны Пасол Беларусі ў Аўстрыі Алена Купчына вылучана кандыдатам на пасаду генеральнага сакратара АБСЕ. Алена Купчына, якая доўгі час займала пасаду намесніка міністра замежных спраў Беларусі, прымала самы непасрэдны ўдзел у рэалізацыі знешнепалітычнай лініі краіны, накіраванай на ўмацаванне бяспекі і стабільнасці ў Еўропе, наладжванне дыялогу паміж Усходам і Захадам, урэгуляванне самых вострых крызісных сітуацый у рэгіёне.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

"Тыдзень лесу - 2017" Акцыя "Тыдзень лесу" пройдзе ў Беларусі з 1 па 8 красавіка па ініцыятыве Міністэрства лясной гаспадаркі. У 2017 годзе яна прысвечана аднаўленню лясоў, пашкоджаных стыхійнымі бедствамі.