30 сакавіка, Ашхабад /Міхаіл Маціеўскі - БЕЛТА/. Беларусь і Туркменістан - перакананыя прыхільнікі міру, стабільнасці і бяспекі. Аб гэтым Прэзідэнт Туркменістана Гурбангулы Бердымухамедаў заявіў сёння на афіцыйных перагаворах з Прэзідэнтам Беларусі Аляксандрам Лукашэнкам у пашыраным фармаце, перадае карэспандэнт БЕЛТА.
"Туркменістан заўсёды разглядае Беларусь як важнага палітычнага партнёра, паколькі мы свае ідэі ў палітыцы ажыццяўляем як у двухбаковым фармаце, так і ў міжнародных арганізацыях. Але самае галоўнае - абедзве краіны з'яўляюцца перакананымі прыхільнікамі падтрымання і ўмацавання ўсеагульнага міру, стабільнасці і бяспекі", - сказаў Гурбангулы Бердымухамедаў.
Беларусь і Туркменістан, паводле яго слоў, прыхільныя да нормаў міжнароднага права і сыходзяцца на думцы, што ўсе міжнародныя і ўнутраныя канфлікты павінны вырашацца толькі мірнымі і палітыка-дыпламатычнымі сродкамі.-0-
