13 жніўня ў Віцебскім раённым гісторыка-краязнаўчым музеі сыну перадалі медаль бацькі "За адвагу", страчаны ў гады Вялікай Айчыннай вайны.
Гэтым летам у вёсцы Мяклава Віцебскага раёна ў час работ на прысядзібным участку бацькоўскага дома Галіна Сінякова знайшла медаль "За адвагу". Па архіўных дакументах удалося ўстанавіць, што медаль належаў сяржанту Барысу Карнееву.
Сын чырвонаармейца Андрэй Карнееў прыехаў у Беларусь з Санкт-Пецярбурга. Ён выказаў удзячнасць усім, хто меў дачыненне да знаходжання медаля, і расказаў, што бацька пайшоў на вайну ў 1942 годзе і сустрэў 9 мая ў Чэхаславакіі.
На здымку: Андрэй Карнееў дзеліцца ўспамінамі.