27 сакавіка на плошчы Цырыманіялаў мемарыяльнага комплексу "Брэсцкая крэпасць-герой" сабраліся каля 1500 чалавек для ўдзелу ва ўрачыстым мітынгу і нясення міжнароднай Вахты Памяці ў гонар 45-годдзя Паста Памяці Брэсцкай крэпасці. Для моладзі горада Брэста Пост Памяці з'яўляецца школай мужнасці і патрыятызму, усвядомленым выкананнем грамадзянскага абавязку перад Радзімай, памяццю загінулых у гады Вялікай Айчыннай вайны. Праз ваенна-патрыятычную школу Паста Памяці прайшло ўжо не адно пакаленне брастаўчан - больш за 91 тысячу старшакласнікаў Брэста.
На здымках: у час урачыстага мітынгу.
