Мабільная версія
ДЗЯРЖОРГАНЫ
Апошнія навіны
Усе навіны
Мікалай Шчокін

Аб'яўленне Года малой радзімы стане стымулам для кожнага праявіць стваральную ініцыятыву

Меркаванні 09.02.2018 | 14:57
Мікалай Шчокін Мікалай Шчокін Кіраўнік Цэнтра палітычнай і эканамічнай сацыялогіі Інстытута сацыялогіі НАН Беларусі

Аб'яўленне 2018 года ў Беларусі Годам малой радзімы стане стымулам для кожнага праявіць стваральную ініцыятыву і ўпісаць сваё імя ў гісторыю роднага горада, вёскі, двара, вуліцы. Такое меркаванне выказаў карэспандэнту БЕЛТА кіраўнік Цэнтра палітычнай і эканамічнай сацыялогіі Інстытута сацыялогіі НАН Мікалай Шчокін.

"Гэта заканамерны і своечасовы выбар, асабліва ў святле дэкларуемага ў Беларусі акцэнту на развіцці рэгіёнаў. Кожны з нас павінен памятаць аб сваіх каранях і, дабіўшыся чагосьці ў жыцці, аддаваць належнае малой радзіме, - сказаў Мікалай Шчокін. - Калі ты стаў паспяховым бізнесменам, чаму б не інвесціраваць у родны гарадок або вёску? Калі кіраўнік, дэпутат - можна дапамагчы ў паляпшэнні якасці жыцця. Калі проста мясцовы жыхар - асабістым прыкладам заахвочваць супольнасць, суседзяў да навядзення парадку, добраўпарадкавання роднага кутка, узаемнай дапамогі. І гэтак далей. Таму аб'яўленне Года малой радзімы стане стымулам для кожнага праявіць стваральную ініцыятыву і ўпісаць сваё імя ў гісторыю свайго горада, вёскі, двара, вуліцы".

На думку Мікалая Шчокіна, у пэўным сэнсе гэта прадаўжэнне нядаўна прынятых дэкрэтаў па лібералізацыі прадпрымальніцкай дзейнасці, садзейнічанні занятасці і іншых заканадаўчых актаў, нацэленых на стварэнне ўмоў для нацыі паспяховых людзей, якія імкнуцца працаваць у сваёй краіне і на яе карысць. "Усё разам ператвараецца ў працэс кансалідацыі нацыі, у кожнага прадстаўніка якой у генах закладзены традыцыйныя для беларусаў дабрата, шчодрасць, сумленнасць, міралюбнасць, а таксама пачуццё гордасці самадастатковага чалавека, гаспадара ўласнага жыцця і дастойнага грамадзяніна сваёй краіны. У гэтым, мне здаецца, сапраўднае праяўленне патрыятызму - любіць малую радзіму не на словах, а на справе", - рэзюмаваў ён.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Міжнародны форум "Мінскі дыялог" Экспертная ініцыятыва "Мінскі дыялог" пачала работу ў сакавіку 2015 года. Місія ініцыятывы - прадастаўляць адкрытую і геапалітычна нейтральную пляцоўку для даследаванняў і дыскусій у галіне міжнародных адносін і бяспекі ва Усходняй Еўропе.