XI фестываль сучаснай маладзёжнай усходнеазіяцкай культуры "Хіган-2016" сабраў у сталіцы паклоннікаў анімэ, коміксаў, камп'ютарных гульняў. Нарута, Чалавек-павук, Капітан Амерыка, Жанчына-кошка і многія іншыя сабраліся ў канцэртнай зале "Мінск". Многія касцюмы - вельмі карпатлівая праца і далёка не самае таннае задавальненне. Але яно таго варта.
У бягучым годзе гэта маляўнічае і незвычайна дынамічнае мерапрыемства праходзіць пры інфармацыйнай падтрымцы Пасольства Японіі ў Рэспубліцы Беларусь. Хіган - гэта яркі касцюмаваны фестываль, які аб'ядноўвае паклоннікаў анімацыі, коміксаў, камп'ютарных гульняў, вулічнай моды і музыкі ў першую чаргу Усходняй Азіі (Японіі, Карэі, Кітая і Тайваня), а таксама паклоннікаў аналагічных напрамкаў у заходняй культуры. Апошнім часам фестываль становіцца папулярным не толькі сярод моладзі, але і людзей сярэдняга ўзросту.
Фота і відэа Аксаны Манчук
