7 ліпеня, Мінск /Кар. БЕЛТА/. У Беларусі ў другім паўгоддзі павысяць зарплаты работнікаў бюджэтных арганізацый, паведамілі карэспандэнту БЕЛТА ў прэс-службе Міністэрства фінансаў.
"У другім паўгоддзі 2018 года зарплата ў бюджэтнай сферы будзе павышана. Тарыфная стаўка будзе павялічана і выкарыстаны іншыя механізмы, якія прадугледжваюць рост зарплаты", - падкрэслілі ў прэс-службе.
Пры гэтым у ведамстве адзначылі, гаварыць аб канкрэтным памеры павышэння зарплат пакуль рана.
Як паведамлялася, намінальная налічаная сярэдняя заработная плата работнікаў Беларусі ў маі 2018 года склала Br943,9. У красавіку бягучага года яна была Br921. Тэмп росту да мая 2017 года склаў 113,4 працэнта.-0-