9 красавіка, Мінск /Кар. БЕЛТА/. Рэйтынгавае агенцтва S&P пацвердзіла доўгатэрміновыя і кароткатэрміновыя суверэнныя крэдытныя рэйтынгі Беларусі па абавязацельствах у замежнай і нацыянальнай валюце на ўзроўні "В", прагноз "стабільны". Такая інфармацыя размешчана на сайце Міністэрства фінансаў.
"Стабільны прагноз адлюстроўвае чаканні аналітыкаў аб умераным скарачэнні знешніх дысбалансаў пры захаванні кансерватыўнай бюджэтнай палітыкі на працягу наступных 12 месяцаў, а таксама ўпэўненасць агенцтва ў здольнасці ўрада забяспечыць рэфінансаванне даўгавых абавязацельстваў, тэрмін пагашэння якіх надыходзіць пасля 2018 года", - гаворыцца ў паведамленні.
Рэйтынгавае агенцтва адзначыла шэраг значных захадаў, зробленых урадам і Нацыянальным банкам у частцы ўзмацнення грашова-крэдытнай палітыкі і пераходу да больш гібкага рэжыму абменнага курса.
Эксперты S&P чакаюць захавання эканамічнага росту і нізкага ўзроўню інфляцыі ў бліжэйшыя гады.-0-
