Мабільная версія
ДЗЯРЖОРГАНЫ
Апошнія навіны
Усе навіны

Рынак ажывае: Воўк растлумачыў, чаму Беларусі патрэбны другі трактарны завод

Эканоміка 19.06.2017 | 10:40

19 чэрвеня, Мінск /Кар. БЕЛТА/. Міністр прамысловасці Віталь Воўк у праграме "Галоўны эфір" тэлеканала "Беларусь 1" растлумачыў, чаму ў Беларусі патрэбны другі трактарны завод, паведамляе БЕЛТА.

"У "Амкадора" ёсць школа - ён стварае пагрузчыкі, лясную тэхніку, і ў іх усюды ломкая рама. У працяг сваіх напрацовак ён і выходзіць на рынак сучлененага трактара. Гэта дапаўняе наменклатуру, якая сёння ёсць у МТЗ і павышае канкурэнтаздольнасць беларускага трактарабудавання", - падкрэсліў міністр і растлумачыў, што краіна зможа заняць больш шырокую нішу для спажыўца.

Віталь Воўк нагадаў, што складскія запасы сапраўды былі на МАЗе, "Гомсельмашы". "Але гэта таму, што рынак упаў, быў абвал. Сёння рынак ажывае, тэмпы росту прамысловай вытворчасці з кожным месяцам набіраюць сілу і задача, якая была пастаўлена кіраўніком дзяржавы і ўрадам, - разгрузіць склады - выканана", - растлумачыў ён.

Прамысловую вытворчасць першага трактара "Амкадор" плануецца запусціць у студзені 2018 года. Як заяўляў старшыня Савета дырэктараў ААТ "Амкадор" Аляксандр Шакуцін, трактар не складзе канкурэнцыі прадукцыі Мінскага трактарнага завода. "У нас іншая канцэпцыя - трактар з сучленена-шарнірнай рамай. Мы дапаўняем адзін аднаго, а ў канчатковым выніку даём плюс эканоміцы краіны", - падкрэсліў Аляксандр Шакуцін.

Трактар "Амкадор" складзе канкурэнцыю такім заходнім вытворцам, як John Deere, Challenger, New Holland. "Наша цана лепшая. І мы стараемся рабіць машыны, якія адпавядаюць сусветнаму ўзроўню якасці", - запэўніў старшыня Савета дырэктараў.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Мінск уваходзіць у топ-3 гарадоў СНД для падарожжаў Аналітычнае агенцтва "ТурСтат" склала рэйтынг самых папулярных гарадоў СНД для расiйскиiх турыстаў летам 2017 года.