30 чэрвеня, Мінск /Кар. БЕЛТА/. Разлічвацца за праезд па платных аўтадарогах Беларусі электроннымі грашамі будзе выгадней. Гэта прадугледжана пастановай Міністэрства транспарту і камунікацый ад 31 мая нумар 25, якая афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Пастановай прадугледжана, што "пры разліку сумы забеспячэння выканання абавязацельстваў эмітэнтам паліўнай карткі прымяняецца паніжаючы каэфіцыент 0,1 у выпадках, калі плата за праезд транспартных сродкаў спаганяецца праз паліўныя карткі з выкарыстаннем электронных грошай".
Пры гэтым у дакуменце агаворана, што электронныя грошы павінен эмітаваць беларускі банк, які мае адпаведны спецыяльны дазвол (ліцэнзію).
На гэты момант электронныя грошы ў Беларусі выпускаюць у абарачэнне Белгазпрамбанк, Тэхнабанк, Парытэтбанк, Банк Масква-Мінск, Трастбанк, Пріорбанк, Белінвестбанк, Беларусбанк.
Паліўная картка - гэта электроннае ўстройства, якое выкарыстоўваецца для аплаты праезду транспарту па платных дарогах. Па сутнасці гэта аналаг банкаўскай карткі, што выкарыстоўваецца перавозчыкамі большасці краін свету, у тым ліку і Беларусі, для аплаты паслуг за мяжой (плата за паліва, праезд і купля спадарожных тавараў на АЗС).-0-
