6 красавіка, Масква /Эдуард Півавар - БЕЛТА/. Федэральная служба па ветэрынарным і фітасанітарным наглядзе Расіі (Рассельгаснагляд) зняла абмежаванні на пастаўкі ў РФ прадукцыі беларускага прадпрыемства "Чызмайстар". Аб гэтым гаворыцца ў інфармацыі, размешчанай на сайце ведамства, паведамляе БЕЛТА.
"Рассельгаснагляд прааналізаваў матэрыялы, прадстаўленыя ў адрас службы Дэпартаментам ветэрынарнага і харчовага нагляду Міністэрства сельскай гаспадаркі і харчавання Беларусі адносна прадпрыемства СТАА "Чызмайстар", - гаворыцца ў паведамленні.
"Па выніках аналізу атрыманых матэрыялаў і з улікам гарантый, прадстаўленых беларускім бокам, Рассельгаснагляд прыняў рашэнне аб зняцці абмежаванняў на ўвоз прадукцыі з названага прадпрыемства на тэрыторыю Расіі", - адзначылі ў ведамстве.-0-