5 лютага, Мінск /Кар. БЕЛТА/. Прапановы па зніжэнні штрафных санкцый да ІП за парушэнні патрабаванняў тэхнічных рэгламентаў Мытнага саюза знаходзяцца на ўзгадненні. Аб гэтым гаворыцца ў прэс-рэлізе Дзяржаўнага камітэта па стандартызацыі Беларусі, падрыхтаваным да брыфінгу ў БЕЛТА на тэму пацвярджэння адпаведнасці рэгламенту МС тавараў легпрама, што рэалізуюцца ІП на рынках.
"Дзяржстандартам сумесна з Мінгандлем, Міністэрствам аховы здароўя рыхтуецца шэраг рашэнняў па ўвядзенні электроннага дэкларавання адпаведнасці, спосабаў дэманстрацыі ў рознічным гандлі наяўнасці на тавар дакументаў аб бяспецы, прадугледжаных ТР МС. Дзяржстандарт таксама падрыхтаваў і накіраваў у зацікаўленыя органы (Міністэрства аховы здароўя, Мінгандаль, Мінсельгасхарч, МНС, Мінэканомікі) прапановы па пераглядзе памераў штрафных санкцый да ІП за парушэнні патрабаванняў тэхнічных рэгламентаў саюза. Абагульненыя матэрыялы знаходзяцца на ўзгадненні ў Мінюсце. У далейшым будуць накіраваны ў Савет Міністраў", - паведамілі ў Дзяржстандарце.
У плане кантрольнай дзейнасці на I паўгоддзе 2016 года не прадугледжана правядзенне ў ІП, якія рэалізуюць прадукцыю лёгкай прамысловасці на рынках, кірмашах, у гандлёвых цэнтрах, праверак адпаведнасці гэтай прадукцыі патрабаванням ТР МС 017/2011 (за выключэннем праверак па скаргах і зваротах грамадзян).
У той жа час інспектары Дзяржстандарту манітораць дынаміку змянення сітуацыі ў асяроддзі ІП у галіне пацвярджэння бяспекі прадукцыі лёгкай прамысловасці, якая рэалізуецца. Гэты маніторынг накіраваны на ўстанаўленне аптавікоў прадукцыі лёгкай прамысловасці, правядзенне растлумачальнай і кансультацыйнай работы па працэдурах пацвярджэння адпаведнасці.-0-