27 мая, Мінск /Кар. БЕЛТА/. Разняволенне дзелавой ініцыятывы з'яўляецца адным з рэсурсаў росту эканомікі, заявіў сёння першы намеснік прэм'ер-міністра Васіль Мацюшэўскі на сумесным пасяджэнні дзвюх палат беларускага парламента, перадае карэспандэнт БЕЛТА.
"Яшчэ адзін рэсурс росту - разняволенне дзелавой ініцыятывы. Пачалася работа па сістэмным спрашчэнні адміністрацыйных працэдур і скарачэнні іх колькасці. Будзем вырашаць гэту задачу ва ўзаемадзеянні з нашымі бізнес-супольнасцямі", - адзначыў Васіль Мацюшэўскі.
Паводле яго слоў, у прапрацоўцы таксама праекты дакументаў, накіраваныя на дэбюракратызацыю працэдур уключэння неэфектыўна выкарыстоўваемай дзяржаўнай маёмасці ў эканамічны абарот, пашырэнне магчымасці для арэнды аб'ектаў дзяржаўнай уласнасці.-0-
