Мабільная версія
ДЗЯРЖОРГАНЫ
Апошнія навіны
ІНФАГРАФІКА: Экспарт прадукцыі АПК
20 ліпеня 2018 Стужка навiн
Усе навіны

МАРГ зацвердзіў інструкцыю па рэгуляванні цэн (тарыфаў) арганізацый-манапалістаў

Эканоміка 16.05.2018 | 18:49

16 мая, Мінск /Кар. БЕЛТА/. Міністэрства антыманапольнага рэгулявання і гандлю зацвердзіла інструкцыю аб парадку рэгулявання цэн (тарыфаў) арганізацый-манапалістаў. Гэта прадугледжана пастановай МАРГ ад 6 красавіка 2018 года нумар 20, паведамілі БЕЛТА ў прэс-службе міністэрства.

Інструкцыяй вызначаецца парадак рэгулявання цэн (тарыфаў) спосабамі, устаноўленымі законам "Аб цэнаўтварэнні", дзеянні арганізацый-манапалістаў у выпадку прымянення ў адносінах да іх пэўных спосабаў цэнавага рэгулявання. Дадаткова рэгламентаваны такі спосаб цэнавага рэгулявання, як "парадак устанаўлення і прымянення цэн (тарыфаў)", а таксама пакет дакументаў, неабходных для абгрунтавання манапалістамі адпаведнага ўзроўню цэн (тарыфаў) на тавары (работы, паслугі).

"У цэлым дакумент накіраваны на рэгламентацыю рэгулявання цэн (тарыфаў) арганізацый-манапалістаў, якія здольны ўплываць на існуючы ўзровень цэн на спажывецкім рынку для недапушчэння неабгрунтаванага росту цэн і спынення злоўжывання з боку гэтых арганізацый сваім дамінуючым становішчам", - растлумачылі ў прэс-службе.

У міністэрстве адзначылі, што інструкцыя распрацавана ў мэтах прывядзення нарматыўных прававых актаў у адпаведнасць з заканадаўствам з улікам паўнамоцтваў МАРГ па рэгуляванні цэн (тарыфаў) на тавары (работы, паслугі) такіх арганізацый.

Пастанова "Аб зацвярджэнні Інструкцыі аб парадку рэгулявання цэн (тарыфаў) на тавары (работы, паслугі) юрыдычных асоб і індывідуальных прадпрымальнікаў, уключаных у Дзяржаўны рэестр суб'ектаў гаспадарання, якія займаюць дамінуючае становішча на таварных рынках Рэспублікі Беларусь (рэспубліканскі і мясцовы ўзроўні), і (або) Дзяржаўны рэестр суб'ектаў натуральных манаполій" уступае ў сілу праз месяц пасля яе афіцыйнага апублікавання - 17 чэрвеня 2018 года.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Экспарт прадукцыі АПК Экспарт беларускай сельгаспрадукцыі ў студзені-маі вырас на 6,5% і дасягнуў $2,071 млрд.